નિષ્ઠા તાલીમ મોડ્યુલ અહેવાલ, ફુલ (પૂર્ણ) કોર્સ
Nishtha Talim Module Aheval, Full course
નિષ્ઠા તાલીમ એ માધ્યમિક શાળાના શિક્ષકો માટે gcert દ્વારા તૈયાર કરવામાં આવેલું મોડ્યુલ છે. જેમાં દર મહિને ત્રણ તાલીમ લેવાની હોય છે. એવી રીતે છ મહિનામાં કુલ ૧૮ મોડયુલની તાલીમ લેવાની હોય છે. આ તાલીમ ગુજરાતી, અંગ્રેજી, હિન્દી, ઉર્દૂ વગેરે ભાષાઓમાં મેળવી શકાય છે. શિક્ષકો પોતાના વર્ગખંડોમાં એક સક્ષમ શિક્ષક તરીકે દાખલ થાય અને વિદ્યાર્થીઓને પ્રવૃત્તિમય અને આનંદદાયક શિક્ષણ આપે તે માટે આ તાલીમની ગોઠવણ કરેલ છે. શિક્ષકો પોતાની નિષ્ઠા જાળવી રાખે અને સમય પ્રમાણે પોતાની જાતને અપડેટ કરે તે આ તાલીમનો હેતુ છે. માત્ર ચોક, ડસ્ટર અને કથનનું જ શિક્ષણ ન બની જાય અને શિક્ષણ કલાત્મક, ICT આધારિત, સમાવેશી શિક્ષણ બને એ માટે આ તાલીમમાં શિક્ષણ શાસ્ત્રના અલગ અલગ પાસાઓને આવરી લેવામાં આવ્યા છે. આ તાલીમ મેળવ્યા પછી દરેક શિક્ષક મિત્રોએ અહેવાલ બનાવવાનો હોય છે. બીજા શિક્ષક મિત્રોને માર્ગદર્શન મળી રહે એ હેતુથી અહીં દરેક module નો અહેવાલનો નમુનો અહીં મેં રજુ કરેલ છે. આ અહેવાલના નમૂનાને માર્ગદર્શક તરીકે જોઈ - વાંચી શિક્ષક મિત્રો પોતાની જાતે અહેવાલ બનાવે તે ઇચ્છનીય છે. ફક્ત કોપી કરી અને સીધું જ લખી નાખે તે બાબત યોગ્ય નથી. પરંતુ આ અહેવાલોને નમૂના તરીકે લઈ પોતાની બુદ્ધિશક્તિ પ્રમાણે અને પોતે જે તાલીમ મેળવી છે તેમાં પોતે જે સમજણ કેળવી તે પ્રમાણે પોતાના વિચારો અહેવાલમાં રજૂ કરવાના હોય છે.
આ સિવાય આ જે કોર્સ છે તે કોર્સની તાલીમની સંપૂર્ણ પીડીએફ અહી મુકેલી છે. દરેક પીડીએફ ડાઉનલોડ કરીને સૌ મિત્રો તેને વાંચીને કોર્સને રીફર કરી શકે છે. અને સમયે સમયે પોતાની શિક્ષક તરીકેની આ તાલીમને તાજી કરી નવો ઉત્સાહ મેળવી શકે છે.જેથી યોગ્ય નિષ્ઠાથી દરેક શિક્ષક મિત્રો પોતાની શાળામાં બધા જ બાળકોને સંપૂર્ણ ન્યાય આપી શકે. ઉપરાંત આ પીડીએફનો અભ્યાસ કરીને પોતાનો અહેવાલ પણ જાત મહેનતથી લખી શકે છે.કેટલીક વખતે શિક્ષકોને મોબાઈલમાં રહેલી પીડીએફ વાંચવી ગમતી નથી એટલા માટે આ અહી પૂર્ણ કોર્સની પીડીએફ મૂકી દીધી છે. જેની પ્રિન્ટ કાઢીને પણ વાંચવા માટે ઉપયોગમાં લઇ શકાય છે.